Токио хотын Ханеда нисэх онгоцны буудалд Japan Airlines компанийн онгоц шатжээ. Гал сөнөөгчид галыг унтраахаар ажиллаж байна.
Японы агаарын тээврийн компанийн мэдээлснээр уг онгоц нь Хоккайдо дахь Шинэ Читосе нисэх онгоцны буудлаас Токиогийн Ханеда нисэх онгоцны буудал руу чиглэсэн 516 дугаар нислэг юм.
Онгоц Ханеда нисэх онгоцны буудалд газардсаны дараа Японы эргийн хамгаалалтын онгоцтой мөргөлдсөн гэж Japan Airlines мэдээлэв.
Онгоц шатсан хэвээр байгаа бөгөөд аврагчид зорчигчдыг нүүлгэн шилжүүлж байна.
Эх сурвалж: NHK
