Коронавирус дэлхийн 167 улс орон болон өөрийгөө удирдах алслагдсан нутаг дэвсгэрүүдэд тархаад буй бөгөөд вирусийн халдвар тархаагүй 69 орон үлдлээ. Эдгээр нь ихэвчлэн Африк тив болон Номхон далайн арлын орнууд байгаа юм.
Коронавирусийн халдвар өдөрт 2-4 оронд шинээр илэрч, мөн тооны оронд COVID-19 өвчнөөр нас барсан анхны тохиолдлууд бүртгэгдэж байна.
Европ тивд халдвар тархаагүй улс орон үлдээгүй бөгөөд хамгийн сүүлд Монтенегро улсад хоёр шинэ тохиолдол илэрсэн. Гэхдээ Европ тивд халдвар тархаагүй ердөө нэг өөрийгөө удирдах алслагдсан нутаг дэвсгэр үлдсэн нь Британийн харьяа Isle of Man юм.
