Дэлхийд тархсан коронавирусийн цар тахал зарим оронд дэгдэлт ихэсч байхад зарим оронд буурч байгаа сайхан мэдээ байна. Тахлын бас голомт орон болоод байсан БНСУ – д тархсан коронавирусийн халдварын тохиолдлын тоо сүүлийн өдрүүдэд эрчимтэй буурсаар байна. Тодруулбал өнгөрсөн 24 цагийн байдлаар тус улсад коронавирусийн халдварын 8 тохиолдол шинээр нэмж бүртгэгджээ.
Эдгээр тохиолдлын тав нь хилээр орж ирсэн иргэдээс илэрсэн байна.
Одоогоор нийт 10661 хүн халдвар аваад байгаагаас 8042 хүн эдгэн 234 хүн нас бараад байна.
Мөн БНСУ-ын эрх баригч нам коронавирусийн халдварын эсрэг эм, вакциныг яаралтай гарган авч дэлхийг аварна гэсэн зорилготой байгаа аж.
