Данийн Вант Улс даяар 11 хүртэлх насны хүүхдүүд цэцэрлэг, сургуульдаа дөрөвдүгээр сарын 15-ны өдрөөс эргэн орсон байна. Тус улсын Ерөнхий сайд Метте Фредериксен сургуульдаа ирсэн хүүхдүүдийг угтан авчээ.
Тэрээр "Хязгаарлалтыг бууруулах чиглэлээр улс төрийн түншүүдтэй хэлэлцэж байгаагаа тэмдэглээд зарим эцэг, эхчүүд хүүхдүүдээ гэртээ байлгахыг илүүд үзэж байгааг ойлгож байна" гэжээ.
Холбооны Бүгд Найрамдах Герман Улсад тавдугаар сарын 4-ний өдрөөс сургуулиудаа үе шаттайгаар нээхээр болсон байна. Эхний ээлжинд төгсөх ангийн сурагчид хичээлдээ орж, дараа нь бага ангиуд сургуульдаа явж эхлэх юм.
Оросын Холбооны Улсын Олон нийтийн телевиз (OРТ) өнөөдрөөс буюу дөрөюдүгээр сарын 27-ны өдрөөс эхлэн энэ жил төгсөлтийн шалгалт өгөх сурагчдад зориулан видео хичээлийг нэвтрүүлэх гэж байна. Шинэ төслөө “Миний сургууль цахимаар” /Моя школа online/ гэж нэрлээд байгаа бөгөөд видео хичээл ОРТ сувгаар орон нутгийн цагаар 9:00–12:00 цагийн хооронд гарах юм байна.
Видео хичээлийн агуулга нь сурах бичиг болон үнэгүй цахим сургалтын “Миний сургууль цахимаар” платформтой уялдсан байх ажээ.
Оросын Гэгээрлийн яамны хэвлэлийн албанаас “Бид нэг төсөлд уламжлалт сурах бичгийг сургалтын стандартад нийцсэн дижитал платформ болон дижитал телевизтэй нэгтгэсэн. ... Ийм төслийг өөр хаана ч хэрэгжүүлээгүй” гэдгээ онцолжээ.
