Дархан –Уул аймагт өнөөдрөөс эхлэн "Нэг өрх - Нэг иргэн"-ийг PCR шинжилгээнд хамруулах ажил явагдаж байна. Өглөөний 08:00 цагт аймгийн ЭМГ-ын дарга Б.Батцэнгэл, аймгийн Нэгдсэн эмнэлгийн ерөнхий эмч Мөнхбат нар тандалтын болон ариутгалын багийханд амжилт хүсч зааварчилгаа өгсөн байна.
Энэхүү шинжилгээг нийт 18 цэгээр дамжуулан өглөөний 08:00-13:00, өдрийн 14:30-22:00 цагийн хооронд гурван өдрийн турш явуулах юм.
Энэ бол эцсийн баталгаажуулах шатны PCR шинжилгээ.
Өмнө нь түргэвчилсэн оношлуураар мөн хамрын арчидас өгсөн ч хамаагүй тухайн өрхөөсөө нийгмийн харилцааанд хамгийн ихээр оролцож байгаа НЭГ иргэнээ сонгоод төлөөлөл болгон яг одоо амьдарч байгаа багийнхаа харьяалагдах шинжилгээ авах төвд очиж өгөх юм байна. Таны үндсэн багийн харьяалал хамаагүй гэдгийг сайн анхаарна уу.
