Цаг үеийн мэдээ

Хөвсгөл аймгийн Ханх сумын Хороо багийн “Хачим” гэдэг газар нэгдүгээр сарын 24-ний өдрийн 12:01 цагт 3.6 магнитуд, өнөөдөр буюу нэгдүгээр сарын 25-ны өдрийн 00:38 цагт 3.7 магнитудын хүчтэй газар хөдлөлтийн давтан чичирхийлэлт тус тус бүртгэгджээ.

Тус аймгийн Онцгой байдлын газраар дамжуулан Ханх сумын Засаг дарга болон тухайн газарт нутагладаг орон нутгийн иргэдээс тодруулахад газар хөдлөлтийн чичирхийлэл бага мэдрэгдсэн бөгөөд учирсан хохиролгүй гэж мэдээлсэн байна.