“Миний дуунууд хичнээн цаг хугацаа, орон зайг туулан танд хүрч, баясал гуниг ухаарлын алиныг нь авчрахыг би таашгүй” хэмээх хэний тухай өгүүлэх вэ гэдгийг хэдийнээ бидэнд танил болгожээ. Монголын орчин цагийн хөгжмийн ертөнцөд мянга мянгаар тоологдож, зуун дамжин эгшиглэх тэр л хит дуунуудын зохиогч Монгол Улсын Урлагийн Гавьяат Зүтгэлтэн, Хөгжмийн зохиолчдын холбооны нэрэмжит шагналт Л.Балхжавын 1980-аад оноос өнөөдрийг хүртэл зохиосон аялгуут дуунуудын хүрээнд зохион байгуулагдах 4 дэх удаагийн MY VOICE шоу үзэгчдийн мэлмийд хүрч эхэллээ.
Цаг үеийн нөхцөл байдлаас он дамжин үргэлжилж буй MY VOICE шоуны хаалттай шатанд 1000 гаруй оролцогч оролцсоноос нээлттэй буюу 1-р шатанд 100 оролцогч тунан үлдсэн. Эдгээр оролцогчид орчин үеийн хөгжмийн урлагийн бүхий л төрөл жанраар бүтээгдсэн зохиогчийн урын сангаас сонгож, өөр өөрийн өнгө аяс, төрөл жанраар дуулан 3 үеийн турш өрсөлдсөнөөр шилдэг оролцогчоо тодруулах юм.
Шоуны шат бүр өөрийн онцлог дүрэм, сонирхолтой бүтэцтэй бөгөөд үндсэн 1-р шатанд 100 оролцогчоос зөвхөн 55 оролцогч үлдэж шилдгийн шилдэг Гран при шагналын сан руу нэг алхам ойртох болно. Мөн MY VOICE шоуны санаачлагч Л.Балхжав болон зохион байгуулагчдын зүгээс сонирхолтой гэнэтийн бэлгүүдийг оролцогчиддоо шат бүрд гардуулна. 100 сая төгрөгний шагналын сантай “MY VOICE” үндэсний шоуны 3 шатанд өрсөлдсөнөөр авьяас чадвараараа цойлсон Ялагч бүрэн гүйцэтгэлтэй хаусны эзэн болж, уран бүтээлийн гараагаа эхлэх юм.
4 дэх удаа зохиогдож буй MY VOICE үндэсний шоу нь дуу хөгжмөөр дамжуулан үзэгчиддээ "Эх орноо хайрлахыг уриалж, ирээдүйд Монголын орчин үеийн дуу хөгжмийн ертөнцөд тод гэрэлтэх уран бүтээлчийг үзэгч тантай хамтдаа шалгаруулах юм. MY VOICE үндэсний шоу нь Бямба, Ням гарагийн амралтын өдрүүдэд 19:30 минутаас UBS телевизийн дэлгэцнээ гарна.
"My Voice" үндэсний шоуны шүүгчдийн Surprise
"My Voice" шоуны шүүгчдийн бүрэлдэхүүн
"Му Voice" шоуны хөтлөгчид
