Улсын Дуурь бүжгийн Эрдмийн театр 59 дэх улирлын нээлтээ 2021.11.13-нд Б.Дамдинсүрэнгийн "Учиртай гурван толгой" дууриар эхэлсэн. Харин энэ долоо хоногт Л.Минкусын "Дон Кихот" балетаар 59 дэх улирлын эхний бүжгэн жүжиг тоглогдох нь ээ.
Мигель Де Сервантесийн "Кихот Ноён" зохиолоос сэдэвлэсэн энэхүү балет нь Китри, Базиль хоёрын хайр дурлал, тэдний дундуур хөндөлдөх баян тайж Гамаш, хүргэнээ сонгох гэж туйлбаргүй загнах Лоренцо нарын адал явдал, хөгтэй үйл явдлуудыг үзүүлнэ.
Тоглолт 2021 оны 11 сарын 20, 21-ний өдөр 17:00 цагаас УДБЭТ-т болно.
