Завхан аймгийн 2021 оны “Онцлох хүн”-ээр Жэм интернэшнл, “Даян” бөхийн дэвжээ, “Хилчин” спорт хорооны бөх Мөнхтөрийн Лхагвагэрэл тодорлоо.
Тэрээр 2021 онд дараах амжилтуудыг гаргасан байна.
1. 2021 оны 4-р сард Казакстан улсын “Алматы” хотод болсон Олимпын эрх олгох тэмцээнд мөнгөн медаль хүртэж олимпын эрхээ авсан
2. 2021 он 8-р сард Япон улсад болсон зуны олимпын их наадамд Монгол Улсаа төлөөлөн чөлөөт бөхийн 125 кг-ийн жинд амжилттай барилдаж 5-р байр
3. 2021 оны 8-р сард Завхан аймгийн баяр наадамд шөвгөрсөн
4. 2021 оны 10-р сард Норвеги улсын Осло хотноо болсон чөлөөт бөхийн барилдааны Дэлхийн аварга шалгаруулах тэмцээнд 125 кг-ийн жинд барилдаж Монгол Улсын хүнд жингийн анхны хүрэл медалийг эх орондоо авчирсан.
5. 2021 оны 11-р сард Бүх цэргийн баяр наадамд түрүүлж “Цэргийн арслан” цол хүртсэн
6. 2021 оны 12-р сард Москва хотноо болсон “Alrosa cup” багийн халз барилдаанд урилгаар оролцсон
7. Үндэсний олимпын хорооноос зохион байгуулдаг “Бөртэ чоно” наадмын чөлөөт бөхийн “Шилдэг эрэгтэй тамирчин”-аар тус тус шалгарчээ.
