Цаг үеийн мэдээ

Эрүүл мэндийн яамны мэргэжилтнүүд БГД-ийн 24-р хороо Алтай хотхон дахь эмийн сан, ХУД-ийн 19-ын үйлчилгээний төв дэх эмийн сан, ХУД-ийн 19-р хороо 18-р сургуулийн дэргэдэх эмийн сан, ХУД-ийн 19-р хорооны Дүүргийн ойролцоох эмийн сан болон ХУД-ийн 11-р хороо Амгалан Өрх ӨЭМТ, ХУД-ийн 20-р хорооны Энх титэм ӨЭМТ-д ажиллалаа. Энэ үеэр ӨЭМТ болон эмийн сангуудаар худалдаалагдаж буй /КОВИД-19/ болон томуу, томуу төст өвчний үед хэрэглэх эм, эмнэлгийн хэрэгслийн нөөцийн байдалд үнэлгээ хийж ажиллав.

Вирусийн эсрэг эм, халуун бууруулах эм, цэр ховхлох эм, гуурсан хоолойн агчил тавиулах эм, амин дэм, эрдэс бодис, шингэн нөхөх, хордлого тайлах эм, нянгийн эсрэг эм, антигистамин,  эмнэлгийн хэрэгсэл (утлагын аппарат, гар ариутгагч, хэл дарагч, халуун хэмжигч) болон коронавируст халдвар (КОВИД-19)-ын түргэвчилсэн оношлуурын нөөцийн мэдээлэл, эрэлт ихтэй буйг энэ үеэр эмийн сангийн жор баригчид хэлж байлаа.

Энэ үеэр эмийн сангуудад эмийн нөөц харилцан адилгүй байв. Эмийн сангийн зүгээс эрүүл мэндийн даатгалаар авдаг эмийн нэр төрлүүдийг нэмэгдүүлэх, иргэд эмчид үзүүлэхгүйгээр жоргүй антибиотик авахаар ирдэг зэрэг асуудал тулгамдаж буйг хэлж байв.