Австралийн Сидней хотын баруун хойд хэсэгт АК-47 автомат гар буугаар зэвсэглэсэн этгээд харсан тухай дуудлага цагдаагийн газарт лхагва гарагийн орой иржээ. Дуудлагын дагуу цагдаа нар эрэн хайх ажлыг эхлүүлж, нисдэг тэргийг хайгуулын ажилд татан оролцуулсан байна.
Цагдаа нар хяналтын камерын бичлэг шүүж буутай этгээд машины зогсоолд очсоныг илрүүлэн саатуулжээ. Гэвч төд удалгүй сэжигтэн жинхэнэ буу биш, харин АК-47 автомат бууны хэлбэртэй марихуан татдаг хэрэгсэл авч явсныг илрүүлсэн байна.
Хэдийгээр эрэгтэй жинхэнэ буутай байгаагүй гэдгийг тогтоосон боловч зөвшөөрөлгүй галт зэвсэг эзэмшин бусдыг айлган сүрдүүлэхийг завдсан хэрэгт буруутгагдан баривчлан саатуулагджээ. Түүний хэргийг ирэх дөрөвдүгээр сард шийдвэрлэх юм байна.
АК-47 автомат буу нь 1940-өөд оны үед Михайл Калашниковын Зөвлөлтийн армид зориулан зохиосон зэвсэг юм. Өнгөрсөн 70 орчим жилийн хугацаанд 100 сая орчим АК-47 үйлдвэрлэгдсэн байна.
Эх сурвалж: ВВС
