АНУ-ын Иллинойс мужийн төвд шороон шуурга болсон байна. Шороон шуурганы улмаас даваа гарагт зургаан хүн амь үрэгдсэнийг мэдээлжээ.
Шороон шуурга Сангамон болон Монтгомери хотуудыг холбосон зам дагуу шуурсан байна. Замын ойролцоо шинэхэн хагалсан талбайд шороогоор шуурсны улмаас автомашины хэдэн арван осол гарчээ.
Иллинойс мужийн цагдаагийн ахмад Райн Старрикын мэдээлснээр зургаан хүн авто машины ослын улмаас амь үрэгдсэнээс гадна 2-80 насны 30 гаруй хүн хүндээс хөнгөн бэртэл авсан байна.
Түүнчлэн даваа гарагийн өглөө 10:55 цагаас эхэлж 40-60 зорчигч тээврийн машин осолдож, хагас ачааны зориулалттай хоёр машин шатжээ. Шороон шуурганд өртсөн төв замыг хааж албаныхан мөрдлөг шалгалтын ажил явуулж байна.
Гэрчүүдийн ярьснаар хүчтэй шороон шуурганы үеэр үзэгдэх орчин хязгаарлагдмал болж юу ч харагдахгүй байсан гэжээ. Урьд өмнө шороогоор шуурч байсан удаагүй тул ийм тохиолдол ямар арга хэмжээ авахаа мэдэхгүй байсан тухайгаа иргэд хэлсэн байна.
Орон нутгийн цаг уурын агентлагаас сэрэмжлүүлэг гаргаж, иргэдийг зорчих хөдөлгөөнд оролцох үедээ анхаарал болгоомжтой байхыг сануулжээ.
Эх сурвалж: CNN
