Терроризмын эсрэг үндэсний хороо Москва болон Москва муж, Воронеж мужид “терроризмын эсрэг ажиллагаа”-ны горимд шилжсэн тухай РИА Новости мэдээллээ.
Үүнтэй холбоотой уг мужуудад бүх олон нийтийн арга хэмжээг цуцаллаа.
Хотын дарга Сергей Собянин өнөөдөр өглөө ОХУ-ын нийслэлд терроризмын эсрэг ажиллагааны горимд шилжсэн тухай мэдэгдсэн. Москва мужид аюулгүй байдлын арга хэмжээг чангатгаж, терроризмын эсрэг арга хэмжээ авч, урд зүгээс ирэх замд нэмэлт шалгалт хийж байна. Уг дэглэмийн улмаас Москвагийн их дээд болон дунд сургуулиудын төгсөлтийн баяруудыг ирэх бямба гараг буюу 7-р сарын 1 хүртэл хойшлуулсан гэж Москвагийн Боловсролын газрын хэвлэлийн алба мэдээлжээ.
Воронеж мужийн Амбан захирагч Александр Гусевын хэлснээр бүс нутгийн байдал тогтвортой хэвээр байна.
Бүс нутгийн тэргүүн бямба гарагт өөрийн телеграм сувагтаа, Воронеж мужид бүх үйлчилгээ хэвийн ажиллаж байна. "Би Воронежийн бүх оршин суугчид болон бүс нутгийн зочдоос тайван байхыг хүсэж байна" гэж Александр Гусев нийтэлжээ. Өмнө нь Воронежийн амбан захирагч мөн бүс нутгийн оршин суугчдаас Дон хурдны зам, бүс нутгийн болон орон нутгийн замаар явахгүй байхыг хүссэн байна. Александр Гусев тус бүс нутагт автомашины үзлэг шалгалтыг нэвтрүүлж болохыг үгүйсгээгүй байна.
Эх сурвалж: BBC
