Москвагаас 400 км-ийн зайд орших Липецк мужийн нутаг дэвсгэрт "Вагнер" хувийн цэргийн компанийн цэргийн техник хэрэгслийн хөдөлгөөн бүртгэгджээ. Энэ тухай тус мужийн захирагч Игорь Артамонов мэдэгджээ.
Артамонов "Хууль сахиулах байгууллага, эрх баригчид, тэр дундаа хотын захиргаа, хүн амын аюулгүй байдлыг хангахын тулд шаардлагатай бүх арга хэмжээг авч байна. Нөхцөл байдал хяналтад байна. Дэд бүтцийн чухал үйл ажиллагаанд доголдол гараагүй" гэж Артамонов хэлжээ. Мөн тус бүс нутгийн оршин суугчдыг гэрээсээ гарахгүй байхыг, аливаа тээврийн хэрэгслээр зорчихоос татгалзахыг уриалжээ. Сота телеграм сувгийн мэдээлснээр Липецк мужид тэд Москва руу чиглэсэн замуудыг хааж эхэлжээ. Энэ нь улсын санаачилга уу, эсвэл орон нутгийн удирдлагуудын санаачилга уу гэдэг нь одоогоор тодорхойгүй байна. Үүний зэрэгцээ Калуга мужийн эрх баригчид тус бүс нутгийн Тула, Брянск, Орел, Смоленск мужтай хил залгаа нутаг дэвсгэрийн замд автомашины хөдөлгөөнийг хязгаарлаж байгаагаа зарлалаа. Тус мужийн амбан захирагч Владислав Шапша "Онцгой шаардлагагүй бол заасан замаар хувийн тээврийн хэрэгслээр зорчихгүй байхыг би та бүхнээс хүсэж байна. Цаашид гарах өөрчлөлтийн талаар цаг тухайд нь мэдээлэх болно" гэж тус мужийн амбан захирагч Владислав Шапша телеграм сувагтаа бичжээ. Орост бараг нэг өдрийн турш "цэргийн бослого" үргэлжилж, шинжээчид үүнийг "Вагнер ХЦК"-ын удирдагч Евгений Пригожиний зохион байгуулсан цэргийн эргэлт хийх оролдлого, иргэний дайн эхлэх магадлалтай гэж үзэж байна. Пригожин Оросын Батлан хамгаалах яам, Ерөнхий штабын удирдлагыг чадваргүй гэж буруутгаж, түүнд харьяалагдах ангиудыг Москва руу илгээсэн - одоогоор Вагнерчууд Ростов-на-Дону хотыг хянаж, Воронеж мужид тулалдаж байна. Владимир Путин Пригожинийн үйлдлийг "урвалт" гэж нэрлэж, Москва зэрэг Оросын хэд хэдэн бүс нутагт терроризмын эсрэг ажиллагааны дэглэм тогтоожээ.
Эх сурвалж: Настоящее время
