Латви улс цаг үеийн үйл явдалтай холбогдуулан хилийн хамгаалалтаа чангатгаж, ОХУ-аас гарч буй орос иргэдэд хүмүүнлэгийн виз олгохоо зогсоож байна гэж Ерөнхийлөгч Эдгар Ринкевич мэдэгджээ.
“Латви Орос дахь нөхцөл байдлын явцыг анхааралтай ажиглаж, холбоотнуудтайгаа мэдээлэл солилцож байна. Хилийн хамгаалалтыг чангатгаж, цаг үеийн үйл явдлын улмаас ОХУ-аас гарах оросын иргэдийн виз болон хилээр нэвтрэх хүсэлтийг авч үзэхгүй. Одоогоор Латви улсад шууд заналхийлсэн зүйл байхгүй” гэж Ринкевичс твиттер хуудсандаа бичжээ.
Латви улс өнгөрсөн онд Оросын иргэдэд шинэ виз олгохоо зогсоосон ч энэ хүмүүнлэгийн визэнд үл хамаардаг байжээ.
Хөрш Эстони улсын Ерөнхий сайд Кажа Каллас мөн хилийн аюулгүй байдлын арга хэмжээг чангатгасан гэж мэдэгджээ.
"Би манай иргэдийг Оросын аль ч хэсэгт зорчихгүй байхыг уриалж байна" гэж тэр нэмж хэлжээ.
Эх сурвалж: BBC
