Арваннэгдүгээр сарын 2-ны пүрэв гарагт АНУ-ын Конгрессын Төлөөлөгчдийн танхим Палестины алан хядах Хамас бүлэглэлийн эсрэг тэмцэлд Израилд туслах зорилгоор 14.3 тэрбум долларын тусламж үзүүлэх тухай Бүгд найрамдахчуудын санал болгосон хуулийн төслийг дэмжжээ. Доод танхимын 226 гишүүн хуулийн төслийг дэмжиж, 196 гишүүн эсэргүүцсэн байна. Бүгд найрамдахчуудын ихэнх нь хуулийн төслийг дэмжиж, ихэнх демократууд эсэргүүцсэн байна. Одоо уг баримт бичгийг Сенатад хэлэлцүүлэхээр оруулах бөгөөд батлагдвал АНУ-ын Ерөнхийлөгч Жо Байденд гарын үсэг зуруулахаар илгээх юм.
Уг хуулийн төслийн танилцуулга нь Бүгд найрамдах намын шинэ дарга Майк Жонсоны гаргасан анхны томоохон хууль тогтоох санаачилга болж байна. Ерөнхийлөгч Жо Байден үүнд хориг тавина гэж эсэргүүцсэн ба Сенат дахь Ардчилсан намын олонхын удирдагч, сенатор Чак Шумер уг шийдвэрийг санал хураалтад оруулахгүй гэж мэдэгджээ.
Байден Конгрессоос Израил, Тайвань, Украинд үзүүлэх санхүүжилт, хүмүүнлэгийн тусламжийг багтаасан 106 тэрбум долларын яаралтай тусламжийн багцыг батлахыг хүсжээ. Шумер хэлэхдээ, Сенат илүү өргөн хүрээтэй тэргүүлэх чиглэлийг тусгасан хоёр намын хууль тогтоомжийг авч үзэх болно хэмээн хэлжээ.
Төлөөлөгчдийн танхимын хуулийн төсөлд Израилын зэвсэгт хүчинд зориулж хэдэн тэрбум доллар, тэр дундаа пуужин эсэргүүцэх хамгаалалтын системд зориулсан дөрвөн тэрбум доллар багтсан байна. Мөн энэ хуулийн төсөлд АНУ-аас тодорхой төрлийн цэргийн техник, тоног төхөөрөмжийг шилжүүлэхээр тусгажээ.
Эх сурвалж: VOA
