Монголын үндэсний олимпын хорооны ерөнхийлөгч “Парис-2024” наадмын аюулгүй байдлын асуудлаар хуралдахаар Францад айлчлах үеэрээ 600 мянган еврогийн үнэ бүхий үнэт эдлэлийг дээрэмдүүлсэн хэмээн Францын прокурорын газраас мэдэгджээ.
Парисын ойролцоох Бобини хотын прокурорын газраас мэдээлснээр ирэх оны олимпын наадмыг зохион байгуулах гол газар болох "Стад де Франс" цэнгэлдэх хүрээлэнгийн ойролцоо Батболдын Баттүшиг, түүний эхнэр Нямтайширын Цэлмүүн нарыг дээрэмдсэн хэргээр гурван эрэгтэйг баривчилсан тухай мэдэгджээ.
Прокуроруудын мэдээлснээр гэмт бүлэглэлийн хоёр гишүүн Парисын Шарль-де-Голлийн нисэх онгоцны буудлаас хосуудын сууж явсан машиныг мотоциклтой дагаж явсан байна. Тэд зочид буудал руу явж байсан бөгөөд цэнгэлдэх хүрээлэнгийн ойролцоох хонгилд хурдаа сааруулж байхад дээрэмчид арын цонхыг хагалж, арын суудал дээрх үнэт эдлэл бүхий цүнхийг шүүрэн авчээ. Үнэт эдлэлийн нийт үнэ 570,000 евро, түүний дотор алт, алмаазан ээмэг нь нэг хос нь 165,000 еврогоор үнэлэгдсэн гэж Agence France-Presse мэдээлсэн байна.
Хэрэг явдал 10-р сарын 11-нд Монгол Улсын Ерөнхий сайд асан Сү.Батболдын хүү 37 настай Баттүшиг Парисын олимпын аюулгүй байдлын хорооны хуралдаанд оролцохоор Парист айлчлах үед болсон юм.
22-25 насны гурван эрэгтэйг 14 хоногийн дараа Стад де Франс цэнгэлдэх хүрээлэн байрлах Парисын захад орших Сент-Денис хотоос баривчилсан ба прокурорын газар энэ долоо хоногт Францын хэвлэл мэдээллийн хэрэгслүүдэд энэ хэргийн тухай мэдээлэл өгсөн юм. Прокурорын газраас "Дээрэмчдийн бүлэглэл баян хохирогчдыг таньж, хамсаатнууддаа мессеж дамжуулан мотоциклтой дагадаг" гэж прокурорын газраас мэдэгджээ. "Тэд машин удаашрах хамгийн тохиромжтой үед халддаг" хэмээн мэдэгджээ. Гэмт бүлэглэл Аравдугаар сарын 2-нд Саудын Арабын аялагчдаас 50,000 еврогийн үнэтэй үнэт зүйлсийг мөн адил аргаар авсан байж болзошгүй гэж сэжиглэж байна.
Нямтайширын Цэлмүүн фейсбүүк хуудсандаа хулгайн гэмт хэргийн улмаас бие махбодын гэмтэл аваагүй тухай бичсэн ба дээрэмчид бэлэн мөнгө авсан гэх мэдээллийг үгүйсгэж, дагалдагчдадаа аялахдаа “болгоомжтой байхыг” зөвлөжээ.
Баттүшиг нь Монголын үндэсний олимпын хорооны ерөнхийлөгч, мөн тэрээр мөн аавынхаа байгуулсан холдингийг тэргүүлдэг тухай The Times хэвлэлд бичжээ.
Эх сурвалж: The Times
