Тулгар төрийн 2233 жил, Их Монгол Улсын 818 жил, Үндэсний эрх чөлөө, тусгаар тогтнолоо сэргээн мандуулсны 113, Ардын хувьсгалын 103 жилийн ой, Үндэсний их баяр наадмын үндэсний бөхийн барилдаанаар шинэхэн заан цол хүртсэн улсан заан Д.Хүдэрбулга цолны найрын урилгаа олон нийтийн сүлжээнд нийтэлжээ. Түүний урилгад "Амар мэнд үү?
Эрхэм ах, дүү, найз нөхөд, багш дасгалжуулагчид, хамаатан садан, ханийн минь ураг төрөл, Төв сайхан нутгийн түмэн олон, өсөж өндийсөн Өндөрширээтийн ард олон, дэмжиж тусалдаг компанийн хамт олон, намайг уухайлан дэмждэг Монголын ард түмэн та бүхнийг 2024 оны наймдугаар сарын 16-ны өдөр Төв аймгийн Зуун мод хотод болох Монгол Улсын ЗААН цолны хүндэтгэлийн наадам бөхийн баярт хүрэлцэн ирэхийг урьж байна.
Баяр наадмын хөтөлбөрийг хавсаргав.
Хүндэтгэсэн: МОНГОЛ УЛСЫН ЗААН ДОРЖХАНДЫН ХҮДЭРБУЛГА" гэжээ.
