Нийслэлийн Цэргийн штабаас 2024 оны I ээлжийн цэрэг татлагын ажил эхлэх гэж буйтай холбогдуулан “Цэргийн насны залуучуудын эрүүл мэнд, сэтгэлзүйн байдалд тулгамдаж буй асуудал” сэдэвт зөвлөгөөнийг зохион байгууллаа.
НЗДТГ-ын Цэргийн штабын дарга Г.Ялалт:
Уг зөвлөгөөнөөр цэргийн насны залуучууд буюу 18-25 насны залуучуудын эрүүл мэнд, тэр дундаа сэтгэлзүйн байдлын талаар санал солилцож, мэргэжлийн байгууллагуудын судалгаа, илтгэлийг хэлэлцүүлэн, нэгдсэн шийдэлд хүрч, цаашид анхаарах асуудлуудыг шийдвэрлэх арга замыг эрэлхийлсэн чухал арга хэмжээ боллоо.
Цэргийн төв эмнэлэг Поликлиникийн дарга Б.Болор-Эрдэнэ:
Цэргийн албанд татагдаж ирэхдээ өвчний улмаас түр чөлөөлөгдөж буй залуучуудын тоо 2022 онд 23 хувь байсан бол 2023 онд 15 хувь болж буурсан үзүүлэлттэй байна. Гэвч өвчлөлийн ерөнхий тоон үзүүлэлт буурсан мэт боловч сэтгэлзүйн өвчлөл ихсэх хандлагатай байна. Өөрөөр хэлбэл тэдэнд сэтгэлзүйн бэлтгэлжилт болон орчиндоо дасан зохицох чадвар дутмаг байгаагаас үүдэн хоёр туйлт эмгэг гэх мэт сэтгэлзүйн тогтворгүй байдал үүсээд буй юм. Иймд хүүхдийг багаас нь цэрэгт татагдан эх орноо хамгаална гэдгийг ухамсарт нь суулгаж өгөх хэрэгтэй болов уу.
Ташрамд, уг арга хэмжээнд Батлан хамгаалах яам, Зэвсэгт хүчний Жанжин штаб, Хил хамгаалах Ерөнхий газар, Дотоодын цэргийн штаб, Цэргийн төв эмнэлэг, Төрийн тусгай албан хаагчдын нэгдсэн эмнэлэг, Сэтгэцийн Эрүүл мэндийн Үндэсний төв, Нийслэлийн Эрүүл мэндийн газар, Нийслэлийн Боловсролын газар, Дүүргүүдийн Цэргийн штаб, Эрүүл мэндийн төвийн Ерөнхий эмч нар, Улаанбаатар цэргийн хүрээний хугацаат цэргийн албан хаагчтай ангиудын сэтгэл зүйч, эмч нар оролцсон юм.
Нууц хүн
2024-04-25
ТТХ газар гэх мэт олон цэргийн байгууллага яг шорон шиг байдаг? Цэргийн хүний ажил төрлөө санаа амар хийхэд ар гэрийн ойлголт маш чухал ? Манай улсын хүчний байгууллагууд маш нууц яг шорон шиг ийм байхад ар гэр бүл ойлгох уу? Ажил төрөл бусад зүйлийг хамгийн түрүүн ар гэр үр хүүхдэд нь ажил алба , ажлын газар , ажлын онцлогыг жил бүр ар гэрийн ажил албатай танилцуулдаг өдөртэй болоод зохион байгуулаад хэвшвэл хүчний байгууллагын ажилладаг гэр бүлийн хүнээ ойлгох нь сэтгэл зүйд маш их нөлөөтэй урам өгнө? Үүнийг ТТХГ гэх газар хамгийн түрүүнд хэрэгжүүлээсэй