Коронавирус уран бүтээлчдэд урлагийн шинэ санаа болсоор байгаа нэгэн жишээг одоо дурдая. "Корона: Айдас бол вирус" нэртэй кино ердөө хоёр долоо хоногийн дараа нээлтээ хийнэ. Канадын найруулагч Мостаф Кешвари шинэ бүтээлийнхээ тухай:
– “Хятадад вирусийн дэгдэлт эхэлсэн тухай сонины гарчиг уншихад л бүтээлийн сэдэв төрсөн. Бодит ертөнцөд халдварын тархалт одоо ч үргэлжилж буй энэ үед хийгдсэнээрээ уг кино онцлог" гэжээ.
63 минут үргэлжлэх "Корона: Айдас бол вирус" кинонд халдвартай хүнтэй хамт цахилгаан шатанд түгжигдсэн долоон хүний тухай өгүүлдэг.
"Кинонд айдас хийгээд ёс суртахууны сонголтын тухай өгүүлнэ.
Одоо бид дэлхий даяараа цахилгаан шатанд гацчихаад байна"гэж Кешвари The New York Times-ийн сэтгүүлчид ярьсан байна.
