Орон нутгийн "Таван Толгой" ХК-ийн ТУЗ өнөөдөр хуралдаж ногдол ашиг хуваарилах шийдвэр гаргажээ.
Энэ тухай “Тавантолгой” ХК-ийн Онцгой бүрэн эрхт төлөөлөгч П.Сайнзориг дараах мэдээллийг өглөө.
Тэрээр: "2022 оны бизнес төлөвлөгөөнд 61 орчим тэрбум төгрөгийг ногдол ашиг болгон тараана гэж байсан бол урьдчилсан байдлаар компанийн татварын дараах ашигт байдлыг харгалзан нэгж хувьцаанд 2743.8 төгрөгөөр тооцон нийт 144 тэрбум төгрөгийн ногдол ашиг болгон хуваарилахаар болсон байна" гэлээ.
