Энэ сарын 10-ны өдрөөс 25-ны өдөр хүртэл Нийслэл хотод хатуу хөл хорио тогтоож байгаа билээ. Үүнтэй холбоотойгоор Улаанбаатар хотын захирагч Д.Сумъяабазар мэдэгдэл хийж байна. Тэрбээр "Цаг үеийн байдал хүнд байна. Шаардлагатай арга хэмжээг өнгөрсөн хугацаанд авч хэрэгжүүлэн ажиллаж байна. Хөл хориотой холбоотойгоор дараах шийдвэрүүдийг гаргаж байна.

Хязгаарлалт тогтоохгүй хуулийн байгууллагын ажилчид ажлын үнэмлэх, тодорхойлолттойгоор ажилдаа хувийн болон ажлын машинаар зорчино. Ингэхдээ улсын дугаарын тэгш, сондгой тоогоор ээлжлэн зорчино.

Улаан түвшин буюу бүх нийтийн бэлэн байдлын зэрэг шилжсэнээр:

ТӨРИЙН ХЯЗГААРЛАХГҮЙ ҮЙЛ АЖИЛЛАГАА:

Төрийн байгууллага (ажилтан, албан хаагчийн 5-10 хүртэл хувь ажиллах, цагийн хязгаар тогтоох)

Эрүүл мэндийн байгууллага

Тусгайлсан чиг үүрэг бүхий байгууллагууд (Байгаль орчныг хамгаалах, гааль, дипломат алба, онцгой байдал, мэргэжлийн хяналт, Зэвсэгт хүчин бусад цэрэг, татвар, тусгай алба, гадааадын иргэн, харьяат, улсын бүртгэл, цагдаа, шүүхийн шийдвэр гүйцэтгэх)

Шүүх, прокурор, өмгөөлөл, нотариат

Улсын онц чухал болон стратегийн ач холбогдол бүхий объект, байгууллага (тусгай цагийн хуваарьтай ажиллах, 207 оны 281 дүгээр тогтоолыг баримтлах)

Эрчим хүч, дулаан, усан хангамж, ариутгал, нийтийн аж ахуй,

Шуудан харилцаа холбоо

Шатахуун, түлшний үйлдвэрлэл, хангамж, нийлүүлэлт, түгээлт, тусгай зөвшөөрөл бүхий байгууллагын түлшний тээвэрлэлт, худалдаа

Геологи, хайгуул, уул уурхай, газрын тосны олборлолт

Зайны сургалт, хүүхэд хамгааллын үйлчилгээ, асрамж, халамж, түр хамгаалах байр, Монголын улаан загалмай нийгэмлэг

Цахим банк, автомат тооцооны машин

Газар тариалан, мал, амьтны өвс, тэжээлийн түгээлт, тээвэрлэлт

ХУУЛИЙН ЭТГЭЭДИЙН ХЯЗГААРЛАХГҮЙ ҮЙЛ АЖИЛЛАГАА:

Эрчим хүч, дулаан, усан хангамж

Эрүүл мэндийн байгууллага, эмийн сан, эм эмнэлгийн хэрэгсэл ханган нийлүүлэх байгууллага

Өмгөөлөл, нотариат

Шатахуун, түлшний хангамж,

Хүнс, ахуйн хэрэглээний үйлдвэрлэл, худалдаа, тээвэрлэлт, ачилт, цуглуулалт, тээвэрлэлт

Цахим банк, автомат тооцооны машин

Газар тариалан, мал, амьтны өвс, тэжээлийн түгээлт, тээвэрлэлт

Харилцаа холбоо, шуудан илгээмж

Улсын онц чухал болон стратегийн ач холбогдол бүхий объект, тусгайлсан чиг үүрэг бүхий байгууллагын үйл ажиллагааг тасралтгүй хангах аж ахуйн нэгж, байгууллагын үйл ажиллагаа (эрх бүхий байгууллагын зөвшөөрснөөр)

Хэвлэл мэдээлэл (эрх хязгаарлах)

Эрх бүхий байгууллагын зөвшөөрөлтэй харуул хамгаалалтын байгууллага

Геологи, хайгуул, уул уурхай, газрын тосны олборлолт

Орон сууц, нийтийн үйлчилгээний контор, сууц өмчлөгчдийн холбоо

Буяны үйл ажиллагаа

ИРГЭНИЙ ХЯЗГААРЛАХГҮЙ ҮЙЛ АЖИЛЛАГАА:

Эмнэлгийн зайлшгүй тусламж, эмийн сан

Өмгөөлөл, нотариат

Түлш худалдан авах

Хүнс, ахуйн хэрэглээний бараа бүтээгдэхүүн худалдан авах

Газар тариалан

Зөөврийн ус

Шинжилгээ өгөх

Буяны үйл ажиллагаа" гэв.