Дундговь аймгийн Баянжаргалан сумын Говьсүмбэр аймгийн Шивээ-Овоо сумаас тус аймгийн Сайнцагаан сумын чиглэлд Иргэн Т мотоциклтой 4 сарын 14-ний өдрийн 18:00 цагийн үед Дундговь аймгийн Баянжаргалан сум өнгөрөөд явж байна гэж ар гэрийнхэнтэйгээ ярьсанаас хойш сураггүй болсон тухай дуудлагыг 4 сарын 14-ний өдрийн 21:40 цагт аймгийн Онцгой байдлын газрын алба хаагчид хүлээн авч сумын Засаг даргын Тамгын газар, Гурвансайхан сумын Засаг даргын Тамгын газрын ажилтнууд иргэн Т /42 настай, эрэгтэй/-ыг эрэн хайх ажиллагааг зохион байгуулж мөн өдрийн 16:17 цагт Дундговь аймгийн Сайнцагаан суманд гэртээ эсэн мэнд ирлээ гэсэн мэдээллийн дагуу эрэн хайх ажиллагааг зогсоосон.

Дорноговь аймгийн Сайншанд сумын 4 дүгээр багийн 35 дугаар зөрлөг “Хөндлөн” гэдэг газар /аймгийн төвөөс хойд зүгт 68 км/-т Малчин Б /12 настай, эрэгтэй/ 4 сарын 15-ны өдрийн 09:00 цагийн орчимд явганаар малдаа яваад сураггүй болсон тухай мэдээллийг 4 сарын 15-ны өдрийн 09:30 цагт өгчээ.  Сайншанд сумын 4 дүгээр баг 35 дугаар зөрлөгийн төмөр замын ажилтнууд 4 сарын 15-ны өдрийн 09:30 цагаас эхлэн малчин Б/12 настай, эрэгтэй/-ийг эрэн хайх ажиллагааг зохион байгуулж мөн өдрийн 10:45 цагт гэрээс нь баруун урд зүгт 7 км-т “Хөндлөн” гэдэг газраас эсэн мэнд олж ар гэрийнхэнд нь хүлээлгэн өгсөн.

Дорноговь аймгийн Сайншанд сумын 8 дугаар багийн нутаг /сумаас зүүн зүгт 9 км/-т Сайхандулаан сумаас отроор ирсэн иргэн Т нь 4 сарын 15-ны өдрийн 07:00 цагийн орчим мотоциклтой малдаа яваад сураггүй болсон тухай мэдээллийг 4 сарын 15-ны өдрийн 09:33 цагт аймгийн Онцгой байдлын газрын алба хаагчид хүлээн авч ар гэрийнхэн 4 сарын 15-ны өдрийн 09:40 цагаас эхлэн иргэн Т /37 настай, эрэгтэй/-ыг эрэн хайх ажиллагаа зохион байгуулж мөн өдрийн 17:00 цагт гэрээс нь 8 км-т “Түшлэг” гэдэг газраас эсэн мэнд олсон.

Дорноговь аймгийн Мандах сумын 3 дугаар багийн /сумын төвөөс хойд зүгт 60 км/-т “Бор хайрхан” гэдэг газар Замын-Үүд сумын иргэн Б нь 4 сарын 14-ний өдрийн 23:00 цагийн орчимд мотоциклтой малдаа яваад сураггүй болсон тухай мэдээллийг 4 сарын 15-ны өдрийн 08:29 цагт  авчээ. Мандах сумын 3 дугаар багийн Засаг даргаар ахлуулсан иргэд 4 сарын 15-ны өдрийн 10:21 цагаас эхлэн иргэн Б/42 настай, эрэгтэй/-ыг эрэн хайх ажиллагааг зохион байгуулж мөн өдрийн 13:10 цагт сумаас хойд зүгт 53 км-т “Зангуут” гэдэг газраас иргэн Н-ийнд очсон байсныг эсэн мэнд олсон.

Дорноговь аймгийн Дэлгэрэх сумын 3 дугаар багийн “Бумбат” гэдэг газар /аймгийн төвөөс зүүн хойш 120 км, Сумын төвөөс 40 км/-т Малчин Х /60 настай, эрэгтэй/ 4 сарын 15-ны өдрийн 10:00 цагийн орчимд мотоциклтой яваад сураггүй болсон тухай мэдээллийг 4 сарын 15-ны өдрийн 14:30 цагт аймгийн Дэлгэрэх сумын Засаг даргын Тамгын газар хүлээн авч тамгын газрын мэргэжилтнээр ахлуулсан ажилтнууд 4 сарын 15-ны өдрийн 13:30 цагаас эхлэн малчин Х /60 настай эрэгтэй/-ыг эрэн хайх ажиллагааг зохион байгуулж мөн өдрийн 15:35 цагт гэрээс нь баруун урд зүгт 3 км-т “Бумбат” гэдэг газраас эсэн мэнд олсон.

Сүхбаатар аймгийн Наран сумын Гүн худаг багийн “Сэхүүл” гэдэг газар /аймгийн төвөөс урд зүгт 260 км, сумын төвөөс баруун зүгт 55 км/-т Малчин Б /58 настай, эрэгтэй/ 4 сарын 15-ны өдрийн 14:00 цагийн орчим морьтойгоор малдаа яваад сураггүй алга болсон. Мөн өдрийн 14:30 цагт Э /55 настай, эмэгтэй/ “Приус-11” загварын автомашинтай араас нь яваад сураггүй болсон тухай дуудлагыг 4 сарын 15-ны өдрийн 15:30 цагт тус сумын Засаг даргын тамгын газар хүлээн авч Засаг даргаар ахлуулсан ажилтнууд 4 сарын 15-ны өдрийн 16:30 цагаас эхлэн эрэн хайх ажиллагааг зохион байгуулж мөн өдрийн 21:30 цагт иргэн Э-ийг гэрээс нь урд зүгт 4 км-т “Сэхүүл” гэдэг газраас автомашинтайгаа цасанд суусан байсныг эсэн мэнд олж автомашиныг нь татан гаргаж гэрт нь хүргэж өгсөн. Малчин Б /58 настай, эрэгтэй/-ыг эрэн хайх ажиллагааг үргэлжлүүлэн зохион байгуулж байна.

Сүхбаатар аймгийн Онгон сумын Их булаг багийн “Шивээт” гэдэг газар /аймгийн төвөөс урд зүгт 200 км, сумын төвөөс баруун урд зүгт 30 км/-т Малчин Э /42 настай, эрэгтэй/ 4 сарын 15-ны өдрийн 15:00 цагийн орчим хониндоо явсан 2 хүүхдийнхээ араас мотоциклтой яваад сураггүй алга болсон тухай дуудлагыг 4 сарын 15-ны өдрийн 17:56 цагт тус сумын Засаг даргын тамгын газар хүлээн авч Засаг даргаар  ахлуулсан ажилтнууд 16:30 цагаас эхлэн малчин Э /42 настай, эрэгтэй/, Э /16 настай, эмэгтэй/, Н/12 настай, эрэгтэй/ нарыг эрэн хайх ажиллагааг зохион байгуулж мөн өдрийн 21:20 цагт гэрээс нь урд зүгт 2 км-т “Гүн худаг” гэдэг газраас эсэн мэнд олсон.

Сүхбаатар аймгийн Онгон сумын Их булаг багийн “Баян” гэдэг газар /аймгийн төвөөс урд зүгт 220 км, сумын төвөөс урд зүгт 50 км/-т Малчин У /24 настай, эрэгтэй/ 4 сарын 15-ны өдрийн 16:00 цагийн орчим мотоциклтой хониндоо яваад сураггүй болсон тухай дуудлагыг 4 сарын 15-ны өдрийн 17:56 цагт хүлээн авсан. Тус сумын Засаг даргын Тамгын газрын ажилтнаар ахлуулсан ажилтнууд 16:30 цагаас эхлэн У /24 настай, эрэгтэй/-ыг эрэн хайх ажиллагааг зохион байгуулж мөн өдрийн 19:45 цагт гэрээс нь баруун урд зүгт 2 км-т “Эрээн толгойт” газраас эсэн мэнд олсон.

Сүхбаатар аймгийн Онгон сумын Их булаг багийн “Цагаан-Овоо” гэдэг газар /аймгийн төвөөс урд зүгт 210 км, сумын төвөөс баруун урд зүгт 40 км/-т Малчин А /45 настай, эмэгтэй/  4 сарын 15-ны өдрийн 16:20 цагийн орчим хониндоо явсан 3 хүүхдийнхээ араас яваад сураггүй алга болсон тухай дуудлагыг 4 сарын 15-ны өдрийн 17:56 цагт хүлээн авсан. Тус сумын Их булаг багийн Засаг даргаар ахлуулсан ажилтнууд 16:30 цагаас эхлэн эрэн хайх ажиллагааг зохион байгуулж мөн өдрийн 19:00 цагт 3 хүүхэд /Х, 15 настай, эмэгтэй, О, 11 настай, эмэгтэй, Х, 8 настай, эмэгтэй/-ийг гэрээс нь урд зүгт 3 км-т “Зайсгал” гэдэг газраас, малчин А /45 настай, эмэгтэй/-ыг 21:20 цагт гэрээс нь баруун урд зүгт 4 км-т “Хоньчийн өвөлжөө” гэдэг газраас тус тус эсэн мэнд олсон.

Сүхбаатар аймгийн Наран сумын Тосонгийн гол багийн “Муруй тойром” гэдэг газар /аймгийн төвөөс урд зүгт 230 км, сумын төвөөс зүүн урд зүгт 18 км/-т Малчин Б, Т нар 4 сарын 15-ны өдрийн 15:00 цагийн орчим хониндоо явганаар яваад сураггүй болсон дуудлагыг 4 сарын 15-ны өдрийн 18:00 цагт хүлээн авсан. Тус сумын Иргэдийн хурлын даргаар ахлуулсан ажилтнууд 18:15 цагаас эхлэн эрэн хайх ажиллагааг зохион байгуулж мөн өдрийн 23:30 цагт иргэн Т /55 настай, эрэгтэй/-г гэрээс нь баруун урд зүгт 7 км-т “Мэргэн хөтөл” гэдэг газраас, 4 сарын 16-ны өдрийн 00:20 цагт Б/58 настай, эмэгтэй/-ыг гэрээс нь урд зүгт 9 км-т “Хүрээт” гэдэг газраас тус тус эсэн мэнд олсон.

Сүхбаатар аймгийн Түмэнцогт сумын Хошмог багийн “Баянцагаан” гэдэг газар /аймгийн төвөөс баруун хойд зүгт 124 км, сумын төвөөс баруун урд зүгт 19 км/-т Малчин С нь автомашинтайгаар 4 сарын 15-ны өдрийн 05:40 цагт малдаа яваад сураггүй алга болсон тухай дуудлагыг 4 сарын 15-ны өдрийн 13:16 цагт хүлээн авсан. Тус аймгийн Онцгой байдлын газрын Түмэнцогт сум дахь Эрэн хайх, аврах бүлгийн алба хаагчид 13:16 цагаас эхлэн с /43 настай, эрэгтэй, “X-Трайл” загварын автомашинтай/-ыг эрэн хайх ажиллагааг зохион байгуулж мөн өдрийн 15:35 цагт гэрээс нь урд зүгт 7 км-т Хошмог багийн “Цагаан нуур” гэдэг газраас эсэн мэнд олж автомашин нь цасанд суусан байсныг 1:15 цаг ажиллаж татан гаргаж гэрт нь хүргэж өгсөн.

Эх сурвалж: ОБЕГ