АДМИН
Өчигдөр буюу 2021оны 04 дүгээр сарын 16-ны өдрийн 09:05 цагт Баянзүрх дүүргийн 26-р хорооны нутаг дэвсгэрт байрлах Санто хотхоны баригдаж байгаа барилгын 16 давхарт гал гарлаа гэсэн дуудлага НОБГ-т ирсэн байна. Дуудлагаар хамгийн ойрын байрлалаас Хан-Уул дүүргийн ОБХ-ийн Гал түймэр унтраах, аврах 14-р ангийн бүрэлдэхүүн 5 км замыг 6 минутад туулан очиж, галыг 1 цаг 20 минут ажиллаж бүрэн унтраасан байна.
Тус барилгад гүйцэтгэлийн ажил хийж байсан 3 компанийн 75 ажилтныг утаажилтын бүсээс гаргаж, угаартсан 8 иргэнийг аварч, эмнэлгийн анхны тусламж үзүүлэн, нийслэлийн түргэн тусламжийн төв 103-т хүлээлгэн өгчээ. 1-16 давхрын агааржуулалтын хоолойн босоо сувагчлалд гал гарч, утаажилт маш их тархсан байсныг гал сөнөөгчид шуурхай ажиллаж унтраажээ. Галын шалтгаан нөхцлийг Цагдаагийн байгууллагаас тогтоохоор ажиллаж байна.
|
Нийгэм
