АДМИН
Улсын хэмжээнд дөрөвдүгээр сарын 27-ны өдөр 11381 хүнд шинжилгээ хийхэд 1171 хүнээс коронавирусийн халдвар илэрлээ. Үүний 1092 нь Улаанбаатарт, орон нутагт 72 нь бүртгэгдлээ. Халдвар авсан иргэдээс эмнэлгийн ажилтан нэг, гадаадаас ирсэн хүн зургаа байна. Халдварын нэн хүнд хэлбэрээр 47-77 насны есөн хүн нас барж, нас барсан хүний тоо 97 боллоо.
Мөн тусгай үүргийн нислэгээр европын орноос ирсэн 6 иргэнээс англи маягийн мутацлагдсан хэлбэрийн вирус илэрсэн байж болзошгүй байна. Үүнийг ХӨСҮТ-ийн дэд дарга Ж.Байгалмаагаас тодруулахад "Мутацлагдсан хэлбэрийн сэжигтэй тохиолдол гарсан. Баталгаажуулах шинжилгээний ажлууд лабораториудад хийгдэж байна. Хариу одоохондоо гараагүй учраас иргэд айж сандрах хэрэггүй. Шинжилгээний хариу гармагц олон нийтэд мэдээлнэ" гэлээ.
|
Нийгэм
