Франц улсын хувьд иргэдийнхээ эрүүл мэнд, халдварын нөхцөл байдал, вакцинжуулалт гээд бүх зүйлийг хяналтандаа авсан бололтой. Ирэх долдугаар сарын дундуур гэхэд тус улс шөнийн цэнгээний газруудаас бусад бүх салбарыг нээх болно гэж мэдэгдсэн байна. 

Ерөнхийлөгч Эмуанэль Макрон дөрвөн шатлал бүхий төлөвлөгөөний дагуу салбаруудыг ээлж дараалалтай нээх талаар мэдээлэл өчигдөр орой иргэддээ өгсөн. Түүний хувьд вакцины хоёрдугаар тунгаа хийлгээгүй хүмүүс байвал эртхэн хийлгэхийг уриалсан юм. Ингээд Франц нь агаарын хилээ ч нээх таатай нөхцөл бүрдэж байгаа бололтой. 

Ирэх зургадугаар сарын 9-өөс эхлээд гадаадын жуулчдыг хүлээж авах бэлтгэл ажил дуусна, мөн бүртгэл явагдаж эхлэнэ гэдгийг ч онцолсон байна. Тэр ч битгий хэл ирэх сарын 3-наас буюу ирэх даваа гарагт сургууль цэцэрлэг хэвийн горимд шилжиж хичээлүүд орж эхлэх аж. 

Кафе болон ресторан ирэх сарын 19-өөс Францд нээгдэнэ. Зургадугаар сарын 9-өөс олон улсын шинжтэй тэмцээн уралдаан, дотоодын тоглолт, спортын арга хэмжээ ч нээгдэж эхлэх юм байна. Тиймээс францын тамирчид одооноос бэлтгэлээ хийж байгаа талаар эх сурвалж мэдээлэл өгсөн юм. 

Эх сурвалж: https://www.bbc.com/news/world-europe-56934746