Орхон аймгийн Онцгой комисс өнөөдөр хуралдаж гамшгаас хамгаалах бүх нийтийн бэлэн байдлын зэрэгт шилжсэн хугацааг 5 дугаар сарын 8-ны өдрийн 06.00 цаг хүртэл хугацаанд сунгалаа. 

Энэ хугацаанд Эрдэнэт хотын хэмжээнд тээврийн хэрэгслийн хөдөлгөөнд хязгаарлалт тогтоон  эмнэлэг, онцгой байдал, тагнуул, цагдаагийн байгууллага, хог тээвэрлэлтийн тээврийн хэрэгслийг цагийн хязгаарлалтгүйгээр, бусад байгууллагуудын болон зайлшгүй шаардлагаар ажиллах ажилтан, албан хаагчдын хувийн тээврийн хэрэгсэл, нийтийн тээврийн хэрэгслийг өглөө 06.00-09.00, орой 17.00-21.00 цагийн хооронд зөвхөн гэр-ажил-гэр гэсэн маршрутын дагуу замын хөдөлгөөнд оролцуулна. Бүх нийтийн хөл хорионы хугацаанд зөвшөөрөгдсөн болон хориглосон үйл ажиллагаануудыг мөн хүргэж байна. 

ТӨРИЙН БАЙГУУЛЛАГА, ИРГЭН, ХУУЛИЙН ЭТГЭЭДИЙН ЗӨВШӨӨРСӨН ҮЙЛ АЖИЛЛАГАА

1. Эрчим хүч, дулаан, усан хангамж

2. Эрүүл мэндийн байгууллага, эмийн сан, эм, эмнэлгийн хэрэгсэл ханган нийлүүлэх байгууллага

3. Шүүх, өмгөөлөл, нотариат

4. Шатахуун, түлшний хангамж

5. Хүнс, ахуйн хэрэглээний үйлдвэрлэл, худалдаа тээвэрлэлт, түгээлт, ханган нийлүүлэлт

6. Ариутгал, халдваргүйжүүлэлт, хог хаягдлын цэвэрлэгээ, ачилт, тээвэрлэлт

7. Цахим банк, автомат тооцооны машин

8. Газар тариалан, өвс тэжээл, түлшний үйлдвэрлэл, нийлүүлэлт, түгээлт, тээвэрлэлт, худалдаа

9. Харилцаа холбоо, шуудан илгээмж

10. Улсын онц чухал болон стратегийн ач холбогдол бүхий объект, тусгайлсан чиг үүрэг бүхий байгууллагын үйл ажиллагааг тасралтгүй хангах аж ахуйн нэгж, байгууллагын үйл ажиллагаа /Шуурхай штабын зөвшөөрснөөр/

11. Хэвлэл мэдээлэл

12. Эрх бүхий байгууллагын зөвшөөрөлтэй харуул хамгаалалтын байгууллага

13. Геологи хайгуул, уул уурхай

14. Орон сууц, нийтийн үйлчилгээ, сууц өмчлөгчдийн холбоо

15. Буяны үйл ажиллагаа

16. Бүтээн байгуулалт, барилга байгууламж, барилгын материалын үйлдвэрлэл худалдаа /хүргэлт, түгээлтийн үйлчилгээ/

17. Хүнсний дэлгүүр /6, 8 нэрийн/, авто машины дугуй засвар, оёдол, хими цэвэрлэгээ, гутал засвар

18. Иргэдийн эрүүл мэндийг дэмжих, хөдөлгөөний дутагдлаас сэргийлэх зорилгоор оршин суугаа газрын ойролцоох байршил, цэцэрлэгт хүрээлэн, тоглоомын талбайд алхах, дугуй унах, биеийн тамирын дасгал хөдөлгөөн хийх

ХЯЗГААРЛАСАН ҮЙЛ АЖИЛЛАГАА

1. Хот хоорондын зорчигч тээврийн хэрэгсэл, Баян-Өндөр, Жаргалант сумдын зорчих хөдөлгөөн

2. Хүнсний дэлгүүр /6, 8 нэрийн/ оройн 20.00 цагаас өглөөний 08.00 цаг хүртэл

3. Баян-Өндөр, Жаргалант сумдын хэмжээнд архи согтууруулах ундаа худалдан борлуулах, түүгээр үйлчлэх үйл ажиллагаа 

4. Бага насны хүүхдийг асран хамгаалагчгүйгээр гадуур явуулах 

5. Бүх төрлийн нийтийн хоолны заалны болон хүргэлтийн үйлчилгээ

6. Сургууль, цэцэрлэг, давтлага, спорт зааланд тоглох, сургалт, семинар, цугларалт, уншлага, хэлэлцүүлэг, РС тоглоом, фитнес, спиннинг, нийтийн бүжиг, амралтын газар, зочид буудал (дэн буудал хамаарах)-ын үйл ажиллагаа

7. Зах, худалдааны төвүүд (хүнс, бүх төрлийн бараа, тавилга, бэлэн хувцас)

8. Үйлчилгээний байгууллага (ломбард, үсчин, гоо сайхны бүх төрлийн үйлчилгээ, зөвшөөрөгдсөнөөс бусад ахуйн үйлчилгээний салбар, цэгүүд)

Эх сурвалж: Орхон аймгийн Онцгой комисс