АДМИН
Ховд аймгийн Буянт сумын Өгөөмөр багийн “Хөх булан” гэдэг газар Шинээр баригдаж байгаа барилгын багана, таазны хэсэг нурж, барилгын хийцэд хүн дарагдсан тухай дуудлагыг тавдугаар сарын 03 өдрийн 20:43 цагт Аймгийн онцгой байдлын ерөнхий газар хүлээн авсан байна.
Тус аймгийн Онцгой байдлын газрын Эрэн хайх, аврах ангийн алба хаагчид 15 км замыг туулан 21:30 цагт очиход 20х30 метрийн хэмжээтэй, цутгалтаа хийж байсан 1 давхар цементийн үйлдвэрийн барилгын тулгуур багана, таазны хэсэг нурж, тухайн барилга дээр ажиллаж байсан ажилтан Г/25 настай, эрэгтэй/, Б/31 настай, эрэгтэй/, Э /25 настай, эрэгтэй/, Г /22 настай, эрэгтэй/, Т /51 настай, эрэгтэй/ нар барилгын хийцэд дарагдаж, бэртсэнийг тухайн байгууллагын ажилтан нар эсэн мэнд гарган Баруун бүсийн оношилгоо эмчилгээний төвд хүргэсэн байсан.
Тухайн барилгын үйл ажиллагааг зогсоож, битүүлжилсэн бөгөөд тавдугаар сарын 04-ний өдөр аймгаас ажлын хэсэг очиж ажиллах юм.
Бэртсэн 4 хүний биеийн байдал хэвийн, 1 хүний биеийн байдал хүндэвтэр байгаа бөгөөд эрүүл мэндийн төвд үзлэг оношлогоо хийгдэж байна.
|
Нийгэм
