АДМИН
ДЭМБ-аас цар тахлын үед ариутгал, халдваргүйтгэлийг сайтар хийх шаардлагатайг зөвлөж байгаа. НИТХ-ын дарга Ж.Батбаясгалан, НИТХ-ын төлөөлөгч Г.Гангамөрөн нар Баянгол дүүргийн байшин хороолол бүхий 22 хороонд 122 ширхэг автомакс буюу ариутгалын бодис шүршигч, мананцар үүсгэгчийг хүлээлгэн өглөө.
Ингэснээр тус дүүргийн хэмжээнд СӨХ-гүй 310 байрыг өдөр бүр ариутгах, халдваргүйжүүлэх боломжтой болж байна. Эдгээр байранд 4200 орчим өрх амьдардаг. СӨХ-гүй учраас цар тахлын энэ үед халдваргүйтгэл, ариутгалыг тогтмол хийж чаддаггүй байжээ.
Тус хорооны 28 дугаар байрны оршин суугч Д.Ганболд “Манай хорооны СӨХ-гүй байрнууд 10-15 жилийн өмнө ашиглалтад орсон. СӨХ-гүй учраас олон асуудал тулгардаг. Хорооноос хуваарийн дагуу ариутгал хийдэг ч хогоо хаяж, дэлгүүр орохдоо гадаах орчноосоо халдвар авах эрсдэл их байна. Харин одоо бид өөрсдөө өдөр бүр ариутгал хийх боломжтой боллоо” гэв.
|
Нийгэм
