АДМИН
Төрсөн ахыгаа 76 удаа хутгалаад, өөрөө 9 давхраас унаж нас барсан хэрэг гарсан тухай ЦЕГ-ын Хэвлэл мэдээлэлтэй харилцах төвийн дарга Б.Баатархүү мэдээлэл өглөө.
Тэрээр: "БГД- ийн нутаг дэвсгэрт 34 настай хүн гадны нөлөөтэй амь насаа алдсан хэрэг Цагдаагийн байгууллага дээр шалгагдаж байсан. Өчигдөр буюу тавдугаар сарын 5- ны өдөр Сүхбаатар дүүргийн нутаг дэвсгэрт байрлах Хангай хотхонд байрлах байрны 9 давхраас 32 настай Т гэгч унаж амь насаа алдсан хэрэг гарсан байна. Хэргийн газарт СБД- ийн цагдаагийн алба хаагч нар үзлэг хийхэд амь насаа алдсан иргэний гэрээслэл олджээ. Иргэн Т нь БГД- т амь насаа алдсан хүний хамаарал бүхий хүн байж таарчээ. Уг гэрээслэлд бичсэнээр СБД- т амь насаа алдсан иргэн БГД- т гадны нөлөөтэй амь насаа алдсан иргэнийг хөнөөсөн байж болзошгүй байгаа юм байна. Уг хэргийг мөрдөх ажиллагаа үргэлжилж байна" гэлээ.
|
Нийгэм
