АДМИН
2021 оны 05 дугаар сарын 09-ний өдрийн 03:18 цагт Багахангай дүүргийн 2-р хороо Нуурын гэр хороолол 5-10 тоотод 6*8 хэмжээтэй малын саравчны дээврийн хэсэгт гал гарч байна гэсэн дуудлагыг иргэн Ц өгсөн байна. Мөн 07:37 цагт 2-р хороо Улаанбаатар Төмөр замын Барилга ашиглалт үйлчилгээний 2-р ангийн дээврийн хэсэгт гал гарч байна гэсэн дуудлагыг иргэн М өгсөн байна. Дуудлагаар тус дүүргийн Онцгой байдлын хэлтсийн ГТУА 80-р ангийн томилгоот ээлжийн алба хаагчид гарч гал түймрийг шуурхай ажиллаж унтраасан байна. Иргэдийн санамсар болгоомжгүй үйлдэл болон цахилгааны аюулгүй байдлыг хангаагүйгээс гал гарсан гэж байцаагч нар урьдчилан байдлаар дүгнэж байна. Иймд гал түймрийн аюулаас урьдчилан сэргийлж, сонор сэрэмжтэй байхыг Нийслэлийн Онцгой байдлын газраас СЭРЭМЖЛҮҮЛЖ байна.
|
Нийгэм
