АДМИН
Эрүүл мэндийн яамнаас ковид 19-ийн халдварын нөхцөл байдлын мэдээллийг хүргэлээ.
Сүүлийн 7 хоногт халдварын нийт 3828 тохиолдол бүртгэгджээ.
Мөн сүүлийн 7 хоногт ковид 19-ийн халдварын нэн хүнд хэлбэрээр 24-92 насны 41 хүн нас баржээ.
Мэдээллийн үеэр Эрүүл мэндийн яамны хэвлэл мэдээллийн зөвлөх Б.Ууганбаяр: "Нас баралтын цаана эрсдэл өндөр байгааг илтгэж байна. Ялангуяа залуучууд вакциндаа хурдан хамрагдаж өндөр настай эрсдэл өндөртэй хүмүүсээ хамгаалах зайлгүй шаардлагатай байна. Нөгөө талаараа зөвхөн өндөр настай хүмүүс энэ өвчний улмаас нас бараад байгаа зүйл биш юм. Сүүлийн 7 хоногт 24 настай, 33 настай, 36 настай залуус нас барсан харамсалтай тохиолдлууд байна. Бүгдээрээ хайртай хүмүүсээ хамгаалахын тулд ковид 19 өвчнөөс урьдчилан сэргийлэх вакциндаа идэвхитэй хамрагдах шаардлагатай байна" гэлээ.
|
Нийгэм
