АДМИН
Нийслэлийн Налайх дүүргийн 2 дугаар хорооны “Задгай”-д 3 давхар барилга дээр интернетийн шугам сүлжээ засварлаж байсан 1 хүн цахилгааны хүчдэлд цохиулж унасан тухай дуудлагыг зургадугаар сарын 03-ны өдрийн 17:38 цагт Онцгой байдлын газар хүлээн авсан байна.
Тус дүүргийн Онцгой байдлын хэлтсийн алба хаагчид 1 км зам туулан 17:40 цагт очиход “Мэдээлэл холбооны сүлжээ” ХХК-ийн ажилтан Ц /32 настай, эрэгтэй/ нь Стар зоогийн газрын 3 давхар барилга дээр интернетийн сүлжээ засварлах явцдаа 35 кВ-ын цахилгаан дамжуулах агаарын шугамд хүрсэний улмаас баруун хөлийн сарвуу, баруун гарын шууны хэсгээр түлэгдсэн байсныг эсэн мэнд буулгаж дүүргийн Эрүүл мэндийн төвд хүргэж өгсөн.
|
Нийгэм
