АДМИН
Хөвсгөл аймгийн Тосонцэнгэл сумын Тээл багийн “Тэгш булан” гэдэг газар 10 хүн “Сэлэнгэ мөрөн”-ийг завиар гатлах явцад завь нь хөмөрч 7 хүн голын усанд осолдсон тухай дуудлагыг дөрөвдүгээр сарыэ 21-ний өдрийн 20:23 цагт Аймгийн онцгой байдлын газар хүлээн авсан байна.
Эрэн хайх ажиллагааг тавдугаар сарын 02-ны өдрийг хүртэл зохион байгуулж, 4 хүний цогцсыг олж, 3 хүний цогцос олдоогүй тул эрэн хайх ажиллагааг ар гэрийнхэнтэй нь зөвшилцөж зогсоосон байсан.
Тэгвэл зургадугаар сарын 03-ны өдрийн 21:40 цагт тус аймгийн Тосонцэнгэл сумын Сэлэнгэ багийн “Эрлийзийн ферм” гэдэг газар “Сэлэнгэ мөрөн”-ний усанд эмэгтэй хүний цогцос байна гэсэн мэдээллийг хүлээн авчээ.
Тус аймгийн Онцгой байдлын газрын алба хаагчид 06.04-ний өдрийн 76.5 км замыг туулан 11:00 цагт очиход Тосонцэнгэл сумын Сэлэнгэ багийн “Эрлийзийн ферм” гэдэг газар “Сэлэнгэ мөрөн”-ний эрэг дээр /осолдсон газраас 43 км-ын зайтай/ иргэн У/32 настай, эмэгтэй/-гийн цогцос байсныг гаргаж, 12:10 цагт Цагдаагийн газрын бүрэлдэхүүнд шилжүүлэн өгсөн байна.
|
Нийгэм
