УИХ-ын Хууль зүйн байнгын хорооны өнөөдрийн /2021.06.15/ хуралдааны үеэр УИХ-ын гишүүн Ж.Сүхбаатар коронавирусийн халдварын өнөөгийн нөхцөл байдлын талаар байр сууриа илэрхийллээ. 

Тэрээр: "Өнөөдөр Монгол Улсад иргэд өвдлөө гэхэд яг хэн рүү утастахаа, тусламж авч чадах эсэхээ мэдэхгүй байна. Одоо бол иргэд яаж витамин, эм болж авах уу л гэж бодож байна. Өнөөдөр витамин, эмний үнэ хэд дахин өссөн байна. Арбидол гэх эм 6000 байсан бол өнөөдөр 30000 гарчихлаа. Энэ асуудалд, өнөөгийн бодит нөхцөл байдлын талаар яагаад Эрүүл мэндийн сайд ярихгүй байна вэ?  Эмнэлгийн ачаалал таазандаа тулчихлаа, одоо болохоо байсан шүү, эмчилж байгаа 5000 гаруй хүнээс 20 хувь нь маш хүнд, 80 хувь нь гайгүй байна. Цаашдаа эмнэлгийн орны зохион байгуулалтаа хэрхэн хийж, шинээр хэдэн мянгөн ор дэлгэх үү зэрэг асуудал бүр дээр тодорхой хариу өгөх хэрэгтэй. Энэ бол иргэн бүхийн эрхтэй холбоотой асуудал. Өнөөдрийн мөчид энэ хамгийн чухал. Эм тариа, витамин дээр даатгал чинь үйлчлэхгүй юм уу, хариулт өгмөөр байна" хэмээн асуусан юм. 

Харин энэхүү мэдээллийн дараагаар Шударга өрсөлдөөн хэрэглэгчийн төлөө газрын дарга Б.Бат-Эрдэнэ өөрийн цахим хуудастаа: "Эм, эмнэлгийн хэрэгсэл хяналт, зохицуулалтын газартай хамтарсан хяналт шалгалт эхлэж байгаа тухай мэдээллээ.