АДМИН
Төв аймгийн Эрдэнэ сумын 1 дүгээр багийн “Цонжин болдог” гэдэг газар 4 зорчигчтой суудлын автомашин “Туул” голын усанд суусан тухай дуудлагыг зургадугаар сарын 20-ны өдрийн 19:46 цагт дүүргийн онцгой байдлын газар хүлээн авсан байна.
Нийслэлийн Налайх дүүргийн Онцгой байдлын хэлтсийн Гал түймэр унтраах, аврах 28 дугаар ангийн алба хаагчид 30 км замыг туулан 20:24 цагт очиход нийслэлийн Баянгол дүүргийн харьяат А-ын жолоодож явсан “Ландровер” загварын суудлын автомашин “Туул” голын усанд сууж, жолооч А /33 настай, эрэгтэй/, зорчигч М /34 настай, эрэгтэй/, Ю/21 настай, эмэгтэй/, Ж /21 настай, эмэгтэй/ нар автомашиныхаа бүхээг дээр гарсан байсныг аврах завь ашиглан аварч, аюулгүй газарт гаргаж,автомашиныг нь татан гаргах боломжгүй байсан тул орхижээ.
|
Нийгэм
