АДМИН
Увс аймгийн Ховд сумын Ховд багийн сумын төвд зургадугаар сарын 14-ний өдрийн 11:00 цагийн орчим иргэн Л /46 настай, эрэгтэй, согтууруулах ундаа хэрэглэсэн/ сураггүй болсон тухай дуудлагыг зургадугаар сарын 22-ны өдрийн 14:50 цагт аймгийн Онцгой байдлын газар хүлээн авсан байна.
Тус сумын Цагдаагийн тасагт зургадугаар сарын 17-ны өдрийн 14:15 цагт мэдэгдэж, энэ сарын 17-21-ний өдрүүдэд тус сумын Засаг даргын Тамгын газрын ажилтнууд “Ховд” голын хөвөөгөөр 30 км-т явган болон мотоциклтой, “Ховд” сумын төвөөс “Бэлчир” гэдэг газар хүртэл 20 км-т мотоциклоор эрэн хайх ажиллагааг зохион байгуулсан боловч үр дүнд хүрээгүй. Тус аймгийн Онцгой байдлын газрын Эрэн хайх, аврах салбарын алба хаагчид зургадугаар сарын 22-ны өдрийн 22:15 цагт очиж, үзэгдэх орчин хязгаарлагдсан тул зургадугаар сарын 23-ны өдрийн 07:00 цагт эрэн хайх ажиллагааг эхлүүлсэн.
|
Нийгэм
