АДМИН
Сүхбаатар аймгийн Эрдэнэцагаан сумын Хадын булаг багийн Шовголдой гэдэг газар зургадугаар сарын 28-ны өдрийн 18:00 цагийн орчим аянга бууж, хээрийн түймэр гарсан тухай дуудлагыг мөн өдрийн 18:02 цагт аймгийн Онцгой байдлын газар хүлээн авсан байна.
Тус аймгийн Онцгой байдлын газрын Эрдэнэцагаан сум дахь Гал түймэр унтраах, аврах 47 дугаар ангийн алба хаагчид 70 км замыг туулан 20:05 цагт очиж, Дорнод аймгийн Матад сумын Засаг даргын Тамгын газрын ажилтнууд хамтран ажиллаж, 06.29-ний өдрийн 02:25 цагт түймрийг унтрааж, Дорнод аймгийн Матад сумын Мэнэн багийн Засаг даргад хүлээлгэн өгчээ. /Түймэрт урьдчилсан байдлаар 10500 га талбай шатсан/
|
Нийгэм
