АДМИН
ЭМЯ-ны хэвлэлийн төлөөлөгч Б.Ууганбаяр ковид 19-ийн нөхцөл байдлын өнөөдрийн /2021.07.03/ мэдээллийг хүргэлээ. Энэ үеэр Спутник V вакцины 2 дахь тунг тарьж эхлэх болсон тухай мэдээллээ. Тэрээр: "Спутник V вакцины 2 дугаар тунгийн 10.000 тун ирсэн. Энэхүү вакциныг ирэх Даваа гарагаас эхлэн 65-аас дээш насны иргэддээ тухайн дүүргийн вакцинжуулалтын цэгт 9-17 цагийн хооронд тарина гэсэн мэдээллийн нийслэлийн эрүүл мэндийн газраас бидэнд өгсөн. Өмнө нь Спутник V вакциныг тарьж эхлэхдээ 65-аас дээш насныхныг тарьж эхэлж байсан. Яг энэ дарааллаараа явна. Мөн удахгүй Монгол улсын Засгийн газрын шугамаар авах 10.000 тун Спутник V вакцины 2 дахь тун захиалгандаа орсон гэх мэдээллийг Гадаад харилцааны яамнаас өгсөн. Иргэд вакцинжуулалтын цэгт хэтэрхий олноор цугларч, бөөгнөрч дараалал үүсгэхгүйгээр вакцинжуулалтад хамрагдаарай гэдгийг хүсье " гэлээ.
|
Нийгэм
