Өчигдөр /2021.07.03/  Онцгой байдлын албанд ирсэн гал түймрийн дуудлагын мэдээллийг сэрэмжлүүлэг болгох үүднээс хүргэж байна. 

Улаанбаатар хот, Сонгинохайрхан дүүргийн 25 дугаар хороо, Одонтын 17 дугаар гудамжинд байшин шатаж байна гэсэн дуудлагыг 7 сарын 3-ны өдрийн 16:33 цагт дүүргийн Онцгой байдлын хэлтсийн Гал түймэр унтраах, аврах 29 дүгээр ангийн 8 алба хаагчид хүлээн авч 6 км замыг туулан 16:43 цагт очиход иргэн Ё-ийн 4Ч6 метрийн хэмжээтэй байшин шатаж байсныг 15 минут ажиллаж унтраасан.

Улаанбаатар хот, Сүхбаатар дүүргийн 1 дүгээр хороо, 17 дугаар байрны зоорийн давхрын гараашид автомашин шатаж байна гэсэн дуудлагыг 7 сарын 3-ны өдрийн 20:13 цагт Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагчид хүлээн авч  5 км замыг туулан 20:20 цагт очиход иргэн Б-гийн “ЖЛК-200” Бенз загварын суудлын автомашины хөдөлгүүрийн хэсэг шатаж байсныг 10 минут ажиллаж унтраасан.

Говьсүмбэр аймаг, Сүмбэр сумын 2 дугаар багийн Баянбулагийн 6 дугаар гудамжинд иргэн Д-ын байшин шатаж байна гэсэн дуудлагыг 7 сарын 3-ны өдрийн 12:05 цагт аймгийн Онцгой байдлын газрын Гал түймэр унтраах, аврах 37 дугаар ангийн алба хаагчид хүлээн авч 2 км замыг туулан 12:08 цагт очиж, Д-ын 2х1.5 метрийн хэмжээтэй байшин шатаж байсныг 4 минут ажиллаж унтраасан.

Орхон аймаг, Баян-Өндөр сумын Наран багийн 66 дугаар гудамжинд иргэн Г-ын байшин шатаж байна гэсэн дуудлагыг 7 сарын 3-ны өдрийн 13:02 цагт аймгийн Онцгой байдлын газрын Гал түймэр унтраах, аврах 81 дүгээр ангийн алба хаагчид хүлээн авч 3.5 км замыг туулан 13:06 цагт очиж, иргэн Г-ын 8х10 метрийн хэмжээтэй байшин шатаж байсныг 55 минут ажиллаж унтраасан байна.