АДМИН
Засгийн газрын ээлжит бус хуралдаанаар гаргасан шийдвэрүүдийг танилцууллаа. Энэ удаагийн хуралдаанаар Элсэлтийн ерөнхий шалгалтыг наймдугаар сарын 19-22-нд зохион байгуулахаар товлосон байна. Уг шийдвэрийн талаар Боловсрол, шинжлэх ухааны сайд Л.Энх-Амгалан танилцууллаа.
Тэрээр: "Элсэлтийн Ерөнхий шалгалтыг авах нь эрсдэлтэй байсан тул хойшлуулсан. Мөн шалгалтад орох 4-н хүүхэд тутмын нэг нь оролцох боломжгүйд хүрч байсан. Одоо ЭЕШ өгөх 40,000 гаруй хүүхдийн 38,200 нь 17-18 насныхан буюу наймдугаар сарын 19-н гэхэд бүрэн тундаа хамрагдсан байх тооцоололтой байна. Хүүхдүүд, багш нар, эцэг эхчүүд бүгд бүрэн тундаа хамрагдсан байх тул эрсдэл багатай гэж үзэж байгаа юм. Цаашид ЭЕШ-ыг жилд хоёр удаа авах тогтолцоонд шилжих шаардлага бий. Эцэг эхчүүдээс ЭЕШ-ыг цуцалж, шууд дүнгээр нь тооцон их, дээд сургуульд элсүүлэх санал их ирүүлсэн. Гэвч энэ жил улсын шалгалтыг цуцалсан тул өмнөх дүн, шалгалтаар нь дүйцүүлэх боломж байгаагүй" хэмээн хэллээ.
|
Нийгэм
