Цагдаагийн албан хаагчийн биед халдсан иргэнд эрүүгийн хэрэг үүсгэн шалгаж байна

Цагдаагийн албан хаагчийн шаардлагыг хүлээж авалгүй, биед нь халдаж, үүрч шидэж буй бичлэг өчигдөр цахим орчинд тарсан билээ. Энэ асуудалтай холбогдуулан зөрчил гаргасан иргэнд эрүүгийн хэрэг үүсгэн шалгаж байгаа талаар ЦЕГ-аас мэдээллээ.

Өчигдөр буюу 7-р сарын 20-нд 17 цагийн үед Баянзүрх дүүргийн 14 дүгээр хорооны нутаг дэвсгэр Нарантуул олон улсын худалдааны төвийн дөрвөн замын уулзвар орчимд ** улсын дугаартай Тоёота премио маркийн тээврийн хэрэгслийн жолооч “М” нь замын хөдөлгөөнд оролцох үедээ зөрчил гаргажээ.

Тухайн жолоочийн зөрчилд торгуулийн арга хэмжээ авсан тээврийн цагдаагийн алба хаагчийн шаардлагыг эсэргүүцсэн тул тухайн үед хамт үүрэг гүйцэтгэж байсан цагдаа зохицуулагч, цагдаагийн ахлагч Ц салгаж замаас холдуулах явцад Хууль сахиулагчийг албан үүргээ биелүүлэхтэй нь холбогдуулан хүч хэрэглэн, эсэргүүцэж түүний биед халдсан байна. Уг үйлдэлд холбогдогч 36 настай эрэгтэй М-ийг саатуулан Монгол Улсын Эрүүгийн хуулийн тусгай ангийн 23.1 дүгээр зүйлийн 1 дэх хэсэгт зааснаар БЗДЦГ-аас хэрэг бүртгэлтийн хэрэг нээн мөрдөн шалгах ажиллагааг явуулж байна.

Эрүүгийн хуулийн 23.1 дүгээр зүйл. Хууль сахиулагчийг эсэргүүцэх /1.Хууль сахиулагчийг албан үүргээ биелүүлэхтэй нь холбогдуулан хүч хэрэглэсэн, хүч хэрэглэхээр заналхийлж эсэргүүцсэн бол хоёр мянга долоон зуун нэгжээс арван дөрвөн мянган нэгжтэй тэнцэх хэмжээний төгрөгөөр торгох, эсхүл зургаан сараас гурван жил хүртэл хугацаагаар зорчих эрхийг хязгаарлах, эсхүл зургаан сараас гурван жил хүртэл хугацаагаар хорих ял шийтгэнэ.

Цагдаагийн албан хаагчийн биед халдсан иргэнд эрүүгийн хэрэг үүсгэн шалгаж байна

Санал болгох мэдээ

Онцлох мэдээ

МҮБХ-НЫ ЭЭЛЖИТ Х ИХ ЭЕ ХУРАЛ ҮРГЭЛЖИЛЖ БАЙНА

АШУҮИС НИЙТ ЭМЧ, СУВИЛАГЧ, МЭРГЭЖИЛТНИЙ 93 ХУВИЙГ БЭЛТГЭЖ БАЙНА

Н.УЧРАЛ: ЗАСГИЙН ГАЗАР НОГООН САНХҮҮЖИЛТЭД ГЭРЭЛ АСААЛАА

УЛААНБААТАР МАРАФОНЫ ГАРААНЫ ЦАГИЙН ХУВААРЬ ШИНЭЧЛЭГДЛЭЭ

СУМЫН ЦОЛТОЙ БОЛОН ЗАЛУУ БӨХЧҮҮДИЙН УАШТ БОЛЛОО