АДМИН
Булган аймгийн Бүрэгхангай сумын Дэрст багийн “Ар тамсаг” гэдэг газар /аймгийн төвөөс урд зүгт 130 км-т, сумын төвөөс зүүн урд зүгт 56 км-т/ 4 хүн “Тосон” нуурын эрэгт амарч байснаас 2 хүн нуурын усанд сэлэхээр ороод живсэн тухай дуудлагыг 7 сарын 22-ны өдрийн 15:49 цагт аймгийн Онцгой байдлын газрын Эрэн хайх, аврах салбарын алба хаагчид хүлээн авч 130 км замыг туулан 19:30 цагт очиж, Бүрэгхангай сумын Засаг даргын Тамгын газрын ажилтнууд, орон нутгийн иргэд, ар гэрийнхэнтэй хамтран эрэн хайх ажиллагааг зохион байгуулж, мөн өдрийн 20:04 цагт нийслэлийн Сонгинохайрхан дүүргийн харьяат иргэн Б /41 настай, эрэгтэй/, Баянгол дүүргийн харьяат иргэн Б /17 настай, эрэгтэй/ нарын цогцсыг “Тосон” нуурын 10 метрийн гүнээс гаргаж, тус сум дахь сум дундын Цагдаагийн хэсгийн даргад шилжүүлэн өгсөн байна.
Эх сурвалж: ОБЕГ
|
Нийгэм
