Дархан-Уул аймгийн Онцгой комиссын 2021 оны 104 дүгээр хэсэгчилсэн хуралдаан өнөөдөр /2021.07.27/ 10:00 цагт цахимаар зохион байгуулагдлаа. Хуралдаанаар Эрүүл мэндийн болон бусад мэргэжлийн байгууллагуудын саналыг үндэслэн дараах шийдвэрүүдийг гаргасныг Аймгийн Засаг дарга бөгөөд Онцгой комиссын дарга Б.Азжаргал танилцууллаа. 

2021 оны 8 дугаар сарын 1-ний өдрөөс эхлэн:

Вакцины бүрэн тунд хамрагдсан 12 оос дээш насны хүүхдүүдийн секц дугуйлан, танхимын сургалтад хамрагдах боломжийг нээнэ.

Аймгийн хэмжээнд ажиллаж буй Шалган нэвтрүүлэх постуудыг татан буулгана.

Дархан-Өргөө кино театр хариуцлагын гэрээний хүрээнд  вакцины бүрэн тунд хамрагдсан 12-с ээш насны хүүхдүүдэд үйлчлэх боломжтой. Үзвэр үйлчилгээний байгууллагууд танхимын 30 хувийн дүүргэлтээр үйлчилж болно. 

Түр тусгаарлах байрыг татан буулгахгүйгээр үргэлжлүүлэн ажиллуулна. 

ХААИС-ийн байранд иргэдээс  түргэвчилсэн оношлуурын сайн дурын шинжилгээг авч буй түр шинжилгээний цэгийг 8 дугаар сарыг дуустал 10:00-16:00 цаг хүртэл өдөр бүр ажиллуулна. Тус цэгт очиж болон иргэд өөрсдөө түргэвчилсэн тестээр шинжлээд эерэг гарсан, халдварын шинж тэмдэг илрээгүй иргэдээс баталгаажуулах шинжилгээ /PCR/ авна. 

Бусад: 

Дархан хотын 60 жилийн ойтой холбоотой ямар нэг баяр наадам, арга хэмжээг энэ жил зохион байгуулахгүй. 

АОК-оос өгсөн үүрэг чиглэлийн дагуу томоохон ААНБ-д 14 хоногт нэг удаа ажилтан албан хаагчдаа түргэвчилсэн шинжилгээнд хамруулах ажлаа үргэлжлүүлнэ.

2021.08.19-22-нд ЭЕШ болно. Үүнтэй холбогдуулан шалгалтыг 3 байранд зохион байгуулах бөгөөд халдвар хамгааллыг хангах, бэлтгэл ажлыг сайтар зохион байгуулах үүрэг чиглэлийг БСУГ-т өглөө.