АДМИН
Монголын чөлөөт бөхийн шигшээ баг тамирчдыг Японы Яйзү хотын дарга Хиромичи Накано хотын захиргаандаа хүлээн авч уулзжээ. Тус уулзалтад Монголын чөлөөт бөхийн холбооны ерөнхийлөгч П.Гансүх, ерөнхий нарийн бичгийн дарга Б.Батбаяр, гадаад харилцааны дарга П.Буяндэлгэр, дэд ерөнхийлөгч Ж.Түмэн-Аюуш, шигшээ багийн ахлах дасгалжуулагч Б.Баттулга, Монголын үндэсний олимпын хорооны ерөнхийлөгчийг түр орлон гүйцэтгэгч Ч.Наранбаатар, чөлөөт бөхийн шигшээ багийн багш, тамирчид оролцлоо. Тус улсын олон жилийн хамтын ажиллагаанд талархлаа илэрхийлж МҮОХ-оос хотын дарга Хиромичи Наканод Олимпын алдар одон гардуулсан байна. Мөн Япон улсад хамтарсан бэлтгэл, сургалт хамтын үйл ажиллагааг өргөжүүлэх хүрээнд хоёр талын хамтарсан үйл ажиллагаанд үзэглэжээ.
Эх сурвалж: Монголын чөлөөт бөхийн холбоо
|
Нийгэм
