АДМИН
Завхан аймгийн Тосонцэнгэл сумын Рашаант багийн “Хар-Усан тохой’’ гэдэг газар /аймгийн төвөөс зүүн зүгт 190 км, сумын төвөөс баруун урд зүгт 10 км/-т иргэн Г /2 настай, эрэгтэй/ 8 сарын 12-ны өдрийн 16:00 цагийн орчимд гэрийнхээ гадаа тоглож байгаад сураггүй болсон тухай дуудлагыг 8 сарын 12-ны өдрийн 16:20 цагт аймгийн Онцгой байдлын газрын Гал түймэр унтраах, аврах 39 дүгээр анги, тус сумын Цагдаагийн хэлтсийн алба хаагчид хүлээн авч ар гэрийн хүмүүс хамтран 2 км радиуст эрэн хайх ажиллагааг зохион байгуулж, гэрээс нь хойд зүгт 600 м-т “Цагаан чулуут” гэдэг газар Хожуул гол /80 см гүн, 5 м өргөн/-оос 17:24 цагт Г /2 настай, эрэгтэй/-ын цогцсыг олж, тус сумын цагдаагийн хэлтсийн мөрдөгчид шилжүүлэн өгсөн байна.
Эх сурвалж: ОБЕГ
|
Нийгэм
