Нийслэлийн мэргэжлийн хяналтын газраас дараах асуудлуудын талаах мэдээллийг өглөө. Үүнд:

1. 2021 оны ЭЕШ-ын үйл ажиллагаанд хийсэн урьдчилан сэргийлэх хяналт шалгалт

2. 2021-2022 оны Хичээлийн шинэ жилийн бэлтгэл үйл ажиллагаанд хийсэн урьдчилан сэргийлэх хяналт шалгалт

3. Тарваган тахал өвчнөөс урьдчилан сэргийлэх тухай

4. Барилга угсралтын ААН-үүдийн хөдөлмөрийн аюулгүй байдлыг хангуулах урьдчилан сэргийлэх хяналт шалгалтын талаар мэдээлж байна.

Хяналт шалгалтад нийт 406 байгууллагыг хамруулсан байна. 

Хичээлийн жилийн сургалтын үйл ажиллагаа эхэлж буйтай холбогдуулан дараах зөвлөмжийг НМХГ-аас хүргүүлсэн байна. Үүнд:

-Удирдлага нь сургалтын үйл ажиллагаа эхлэхээс өмнө халдвараас урьдчилан сэргийлэх чиглэлээр бэлэн байдлыг хангуулах

-Хичээл эхлэхээс өмнө мэргэжлийн байгууллагаар ариутгал, халдваргүйтгэлийг хийлгэх

-Хэрэв багш, ажилтан, оюутан, сурагч, цэцэрлэгийн болон дотуур байрны хүүхдээс сэжигтэй тохиолдол илэрсэн бол харьяа эрүүл мэндийн байгууллагад шилжүүлэх хүртэлх хугацаанд түр тусгаарлах өрөөнд байлгах

-Гамшгаас хамгаалах төлөвлөгөөнд халдвараас сэргийлэх, хариу арга хэмжээний тодотгол хийж бэлэн байдлыг хангах,

-Анги танхим, сургалтын дадлагын газар болон хоолны газарт сандал хоорондын зай 1,5м байхаар нэг ангид 20-иос илүүгүй суралцагч байх, дотуур байрны оронд ногдох талбай 4м.кв-аас багагүй, ор хоорондын зай 1,5м байх

-Боловсролын сургалтын байгууллагууд бөөгнөрөл үүсгэхгүй, орох гарах хаалгыг тус тусад нь байхаар, боломжгүй тохиолдолд хөдөлгөөний зохицуулалт хийх

-ЕБС-ийн 1-5-р ангийн багш, цэцэрлэгийн болон өдөр өнжүүлэх бүлгийн багш, хоол үйлдвэрлэл үйлчилгээний ажилтнуудыг эрүүл мэндийн үзлэгт хамруулах зэрэг багтжээ.