Баянхонгор аймгийн Эрдэнэцогт сумын Эрхт тамч багийн “Эрхэтийн-Ар тогоот” гэдэг газар /аймгийн төвөөс зүүн хойд зүгт 120 км, сумын төвөөс зүүн хойд зүгт 90 км/-т иргэн Ц 8 сарын 20-ны өдрийн 10:00 цагийн орчим гэрээсээ айлд цагаан идээ хүргэхээр явганаар яваад сураггүй болсон тухай дуудлагыг 8 сарын 21-ний өдрийн 16:45 цагт аймгийн Онцгой байдлын газарт хүлээн авч тус сумын Цагдаагийн хэсгийн алба хаагчид, Засаг даргын Тамгын газрын ажилтнууд, ар гэрийн хүмүүсийн хамт иргэн Ц /45 настай, эмэгтэй, сэтгэцийн өөрчлөлттэй/-ыг “Могой” гэдэг газраас “Эрхэтийн хавцал” гэдэг газар хүртэл явганаар 10 км-т эрэн хайх ажиллагааг зохион байгуулсан боловч үр дүнд хүрээгүй тул мөн өдрийн 21:20 цагт түр зогсоосон. Тус аймгийн Баянхонгор сумын Шаргалжуут багийн “Баяндаваа” гэдэг газарт /аймгийн төвөөс зүүн зүгт 70 км-т/ 8 сарын 24-ний өдрийн 02:00 цагийн орчим Өвөрхангай аймгаас Баянхонгор аймгийн чиглэлд зорчиж явсан иргэн Х зам дагуу эмэгтэй хүн явган явж байхыг нь харсан тухай мэдээллийн дагуу тус аймгийн Онцгой байдлын газрын Эрэн хайх, аврах бүлгийн алба хаагчид 8 сарын 29-ний өдрийн 18:20 цагт Баянхонгор аймгийн Баянхонгор сумын “Баяндаваа” гэдэг газарт очиж, тухайн нутгийн хүмүүсээс асуухад 8 сарын 25-ны өдрийн 10:00 цагийн орчим иргэн Ц-гийн өмсөж явсан хувцастай адилхан хувцастай эмэгтэй хүн “Шаргалжуут”-ын голыг өгсөж, уруудаж явж байсныг харсан гэж мэдээлсэн. 8 сарын 30-ны өдөр эрэн хайх ажиллагааг 07:00 эхлүүлсэн.