Дэлхий даяар тархаад байгаа халдварт өвчнөөс сэргийлэх хамгийн үр дүнтэй арга бол халдвар хамгааллын дэглэмийг сайн мөрдөх юм. Хоорондоо харьцаж буй хоёр хүн аль аль нь амны хаалтаа зүүсэн бол халдвараас 90 хувь хамгаална хэмээн Эрүүл мэндийн яамнаас мэдээлсэн. Тэгвэл VI сараас хойш иргэдийн амралт зугаалга, баяр наадам эхлэхтэй зэрэгцэн хөдөө орон нутаг болоод хотын захаар маск зүүх иргэдийн хандлага багассан. Энэ нь халдвар тархах магадлал улам ихэсгэж байгааг иргэдийн сэтгэгдлээс харж болно.

Иргэн : "Маск зүүхгүй байгаа гол шалтгаануудын нэг бол II тун вакцин. Иргэдийн 90 гаруй хувь нь II тун вакцинааа хийлгэсэн. Үүний хүрээнд вакцины хүчин чадлыг үндэслээд түүнийхээ хүрээнд маск зүүхгүй байгаа хандлага ажиглагдаж байгаа. Нөгөө талаас ДЭМБ болон Монголын ЭМБ-аас “та II тун вакцинаа хийлгэсэн бол олон нийтийн газраар зорчих эрхтэй болно. Үүнийхээ хүрээнд та заавал маск зүүх шаардлагагүй” гэсэн тийм хариу өгч байсан. Ерөнхий сайд ч мөн хоёр долоо хоногийн дараа бид маскаа тайлах боломжтой гэсэн боловч өдийг хүртэл маск зүүлгэж байгаа нь иргэдэд тодорхой бус хариулт болж үлдсэн.

Иргэн: Б. Бямбагэрэл "Миний бодлоор иргэд маскаа зүүх нь багасаж байгаа гэж бодож байна. Учир нь улирлаасаа шалтгаалаад, аялал зугаалгаар явахдаа маскгүй явж байгаа нь харагдаж байгаа. Мөн хүмүүс үйлчилгээний газруудаар, хотын захаар маскгүй явж байна. Энэ нь вакцин хийлгэсэн дээ итгэлтэй болсон ч юм уу, тусаад эдгэсэн, дархлаа тогтсон гэсэн ойлголттой болохоор маск зүүх хандлага багассан гэж бодож байна.

Иргэн: Ж. Батгэрэл: "Маск зүүх хандлага багассан. Энэ нь зун аялал жуулчлалтай холбоотойгоор “назгайрсан” байдалтай маск зүүх нь багассан гэж бодож байна. Хүмүүс мөн II тундаа найдаад маскаа бүрэн зүүдэггүй. Хамар болон амаа ил гаргаж стандартын дагуу зүүхгүй байгаа" гэлээ. 

Эх сурвалж: А24 мэдээний агентлаг