АДМИН
Сүхбаатар дүүргийн Засаг даргын Тамгын газраас өнгөрсөн бямба гарагт Эх дэлхийн цэвэрлэгээний өдрийн хүрээнд ээлжит Бүх нийтийн их цэвэрлэгээг зохион байгууллаа.
Коронавирусын халдвараас урьдчилан сэргийлэх, иргэдийн эрүүл аюулгүй, цэвэр орчинд амьдрах эрхийг хангах, ААН, байгууллага, иргэдийн оролцоог нэмэгдүүлэх зорилгоор хийгддэг их цэвэрлэгээнд 1206 аж ахуйн нэгж, байгууллага, 4181 иргэн оролцож орчны 50 мкв талбайн болон нийтийн эзэмшлийн гудамж, зам талбай, гуу жалга, ойр орчмын хаягдал, газрын хөл ургамал, шарилж, луулийг цэвэрлэлээ. Мөн тохижилт үйлчилгээ, цэвэрлэгээний компаниуд хариуцсан талбайнхаа автобусны буудал, хөшөө дурсгал, тэмдэг тэмдэглэгээ зэргийг угааж цэвэрлэсэн байна.
Их цэвэрлэгээний ажилд Засаг даргын Тамгын газрын Тохижилт, нийтийн аж ахуйн хэлтэс, дүүрэг дэх Мэргэжлийн хяналтын хэлтэс, “Эмэгтэйчүүдийн эрх, хамгаалал хөгжлийн хүрээлэн” ТББ-аас хяналт тавин ажилласан байна.
|
Нийгэм
